эгшин

Санаж хүлээхийн завсрын тэр эгшинд дурлаж
Саатаж мордохын тэр эгшинд жаргаж
Сэтгэлээсээ инээх тэр л эгшинд баярлаж
Салж хагацахгүйн дунд чамайг би хайрладаг

Бэлэг

Зөөлөн цас хаялсаар шинэ жил айсуй...

Шинэ жилийн бэлгэнд
Чиний л зүрхийг авмаар байна
Он солигдох тэр л үед
Чиний зүрх цээжинд минь догдлохыг хүсэж байна

Дурлалын хээтэй зүрхээ бэлэг болгон боолоо
Цохилон буй тэр л зүрхээ
Чиний цээжинд гэж хаяглалаа...

Томоор үзэх бол зураг дээр дарж үзнэ үү.

Аймхай

Би үхлээс айдаг

Үхэж чадахгүйгээ ч мэддэг

Би үнсэлтээс айдаг

Үнсэлтэнд хоргодоггоо мэддэг

Би үлдэхээс айдаг

Хаягдаж хоцроод үлдэхээс би айдаг

Би хайраас айдаг

Хайртай гэж хэлж чадалгүй үхэхээс айдаг

Чамайгаа санахдаа

Навчис хөглөрсөн гудмаар
Яахаа үл мэдэн ганцаар алхана
Нимгэн уйтгар зүрхэндээ тээн
Доголон нулимстай чамайг би санана

Жихүүн салхитай өвлийн үдэш
Гудманд ганцаараа алхахдаа
Санасан сэтгэлээ аргадаж
Үнэрийг чинь санахыг хичээнэ

Үнсээд үлдсэн уруулын чинь балыг
Өглөө бүр үгүйлэн сэрдэг
Уулзаж байна гэж зүүдлээд сэрэхдээ
Зөндөө ихээр үгүйлдэг ээ чамайг

2008.11.23

Хүсэл

Учрахыг хүссэн юм бүхэн ойртох бүр
Учрахыг үл хүснэ
Учрал ямар ойрхон юм бэ?

Хаяхыг хүссэн юм бүхэн холдоно
Хагацахыг үл хүснэ
Хагацал ямар хол юм бэ?

2008.11.22

ene aimar goyo duu